Fór í brjóstastækkun í verslunarkjarna

Tori Spelling, leikkonan úr Beverly Hills-90210, segir að fyrsta brjóstastækkunin sín hafi verið óhefðbundin. Spelling segir frá atvikinu í hlaðvarpsþætti sínum, missSpelling. 

Spelling segir að kunningjakona hennar hafi mælt með vafasömum lýtalækni. „Ég fór til læknisins og hann var í verslunarkjarna. Ég get ekki búið þetta til. Ég held að hann hafi verið fínn læknir. Þetta var bara skurðlæknamiðstöð í verslunarkjarna. Ég var 19, svo ég hugsaði með mér að þetta væri ekki Beverly Hills. Ég var ringluð,“ sagði Spelling að því fram kemur á vef ET. 

Spelling ákvað að fara í aðgerðina þrátt fyrir efasemdir sínar. Vinkonur hennar úr Hollyowood hjálpuðu henni að jafna sig. „Auðvitað sagði ég ekki neitt. Ég fór í aðgerðina og fór heim,“ sagði Spelling. „Á þessum tíma var ég besta vinkona Aliciu Silverstone og Carmen Electru og þær hugsuðu um mig.“

Nú þegar Spelling er 51 árs getur hún hlegið að atvikinu. Hún fór seinna í aðra aðgerð til að laga brjóstin og minnka þau. 

Tori Spelling. AFP

• Blogga um frétt