Hegðun Roberts vakti athygli á tónleikum
Setja bókamerki
/frimg/1/47/9/1470922.jpg)
Aðdáendur einnar vinsælustu tónlistarkonu í heimi, Taylor Swift, voru allt annað en sáttir við framkomu bandarísku leikkonunnar Juliu Roberts á nýafstöðnum tónleikum Swift í Dublin.
Roberts, þekkt fyrir leik sinn í kvikmyndum á borð við Pretty Woman, Notting Hill, Erin Brockovich og Steel Magnolias, sást gæla við kærasta Swift, NFL-leikmanninn Travis Kelce, en bæði nutu þau tónleikanna frá sérstöku VIP-svæði.
Myndskeið af samskiptum Roberts og Kelce hefur farið líkt og eldur í sinu um netheima og eru aðdáendur Swift, hinir svokölluðu Swifties, sammála um að leikkonan hafi farið yfir strikið en hún sást meðal annars nudda axlir íþróttakappans og strjúka honum. Aðrir hafa þó komið Roberts til varnar og segja hana sýna hlýlega og vingjarnlega framkomu.
Roberts, 56 ára, er gift kvikmyndatökumanninum Danny Moder og á með honum þrjú börn á táningsaldri.
Hvorki Kelce né Roberts hafa tjáð sig um myndskeiðið.
Mæðgur dæmdar til að greiða 64 milljónir
„Erum í miðri hrinu“: Styttist í Eldvörp
Hraunið við bílastæði Bláa lónsins
Litlar líkur á að hraunið nái til mannvirkja
Myndir: Grindavíkurvegur aftur undir hraun
Drónamyndskeið frá hápunkti gossins í nótt
Yfir 300 stæði fóru undir hraun