BTS-stjarna mun bera ólympíukyndilinn
Setja bókamerki
Tónlistarmaðurinn Jin úr K-popp hljómsveitinni BTS mun bera ólympíukyndilinn fyrir hönd Suður-Kóreu eftir að hafa nýlokið 18 mánaða herþjónustu sem er skyldubundin í landinu.
Jin, sem er 31 árs og elstur meðlima hljómsveitarinnar, mun taka þátt í ferðalagi ólympíueldsins í von um að dreifa skilaboðum um frið og samlyndi. Þetta segir hann í tilkynningu.
Ólympíueldurinn hefur verið á ferðinni síðan í apríl en í heildina mun hann ferðast 120.000 kílómetra um Frakkland og yfirráðasvæði þjóðarinnar víðs vegar um heiminn áður en hann kemst á leiðarenda á ólympíuleikvanginn í París þann 26. júlí næstkomandi.
Ásamt 11.000 öðrum kyndlaberum mun Jin fara um sögufræg svæði Frakklands en enn þá er óvíst hvenær hann mun taka við kyndlinum.
Jin er fyrsti meðlimur hljómsveitarinnar til að klára herþjónustu en um þessar mundir eru allir aðrir BTS-liðar, þeir Jung Kook, V, Jimin, Suga, RM og J-Hope að sinna sinni þjónustu. Búist er við því að BTS-strákarnir geta sameinast á ný árið 2025.
Aðskildir tvíburar kynntust óvænt á TikTok
Hrun í sölu rafbíla
Vegir landsins: Hvar er klæðing og hvar er malbik?
Mohamad Kourani sé siðblindur en sakhæfur
„Skelfingardagurinn bjargaðist“
/frimg/1/50/24/1502471.jpg)
Níu ára og tekur strætó upp í hesthús
„Áfall fyrir bæjarfélagið“
Lítill sveigjanleiki frekar vandamálið