Vill sjá stærstu drauma sína rætast áður en hún kveður
Setja bókamerki
Bandaríska leikkonan Christina Applegate birti færslu á samfélagsmiðlasíðunni X, áður þekkt sem Twitter, í gærdag og greindi frá því sem hún vill áorka áður en hún kveður jarðlífið.
Applegate, sem hefur rætt opinskátt um baráttu sína við MS-sjúkdóminn (e. multiple sclerosis) undanfarin ár, greindist með sjálfsofnæmissjúkdóminn snemma árs 2021.
Stærstu draumar leikkonunnar eru að leika á móti átrúnargoði hennar, leikkonunni Shirley MacLaine, en sú fagnaði 90 ára afmæli sínu í apríl síðastliðnum. Applegate vill einnig taka skot með söng- og leikkonunni Cher.
Applegate, sem hefur lítið sést á skjánum síðastliðin ár, heldur úti hlaðvarpsþættinum MeSsy ásamt góðvinkonu sinni, leikkonunni Jamie-Lynn Siegler, en hún glímir við sama sjúkdóm og hefur gert síðastliðin 20 ár. Stöllurnar ræða reglulega um það hvernig sé að takast á við daglegt líf með ólæknandi hrörnunarsjúkdóm.
Óskiljanleg ákvörðun skólayfirvalda
Ísland orðið of dýrt
Segir aðferðafræði Seðlabankans ekki að virka
Fjöldi tungumála áskorun
Ættum frekar að endurbæta samræmdu prófin
Leitaði að upplýsingum um Kennedy-morðið
Myndskeið: Krítverjarnir verði ákærðir fyrir manndrápstilraun