Laufey nældi sér í bragðaref
Setja bókamerki
Tengdar fréttir
Eftir ansi annasama mánuði er stórstjarnan Laufey Lín Bing Jónsdóttir komin heim á klakann, tímabundið að vísu, til að njóta hvíldar og hressingar. Söngkonan hefur verið á heljarinnar tónleikaferðalagi, Bewitched: The Goddess Tour, um heiminn síðustu vikur og mánuði og heillað tónleikagesti upp úr skónum með fallegum söng og hljóðfæraleik.
Laufey deildi skemmtilegri myndaseríu með fylgjendum sínum á Instagram í gærdag og gaf þar örlitla innsýn inn í lífið á Íslandi. Söngkonan kíkti aðeins á stemninguna í miðbæ Reykjavíkur ásamt vinkonum sínum og heimsótti einnig Ísbúð Vesturbæjar þar sem hún nældi sér í gómsætan bragðaref.
Allt frá því að Laufey hreppti Grammy-verðlaunin í flokki hefðbundinna söng-poppplatna (e. traditional pop vocal album) í byrjun febrúar hefur hún haft heilmikið fyrir stafni. Söngkonan hefur meðal annars setið fyrir á forsíðum helstu tískutímarita í heimi og flutt tónlist sína í vinsælum spjallþáttum og stórum tónleikahöllum.
Laufey var einnig meðal gesta á hinum virta Met-Gala viðburði sem fram fór á Metropolitan-safninu í New York í maí. Söngkonan klæddist bleikum síðkjól frá Prabal Gurung.
/frimg/1/49/1/1490123.jpg)
Tengdar fréttir
Deila um áhrif kaupa KS – „Úr lausu lofti gripið“
Segir að engum skotum hafi verið hleypt af
Norskum auðmanni brigslað um sölu á þýfi
Svikahrappar nota íslensk símanúmer
„Ég gæti ekki lifað með sjálfum mér“
Birta greinar þýddar af gervigreind