Stikla fyrir Gladiator II lítur dagsins ljós

Eflaust hlakka kvikmyndaunnendur mikið til framhaldsmyndar stórmyndarinnar Gladiator sem kom út um aldamótin – en nú hefur ný stikla fyrir myndina verið gerð opinber. 

Myndin mun segja frá Lucius, fyrrverandi erfingja Rómaveldisins, sem er neyddur til að berjast sem skylmingarþræll tuttugu árum eftir atburðarás fyrri myndarinnar.

Með aðalhlutverk fer hinn írski Paul Mescal og í öðrum hlutverkum eru þau Pedro Pascal, Denzel Washington og Connie Nielsen – sem hér endurtekur leik sinn frá fyrri myndinni. 

Myndin er leikstýrð af Ridley Scott sem einnig sat í leikstjórastól fyrri myndarinnar. 

• Blogga um frétt