Tónlistarkonan Adele er mikill stuðningsmaður enska landsliðsins í knattspyrnu og var ein af þeim þúsundum sem fylgdust með undanúrslitaleik Englands og Hollands úr vallarstúkunni í gærdag. 

Adele fylgdist vel með öllu sem á gekk á vellinum í Dortmund og hvatti strákana áfram af mikilli innlifun ásamt fleiri stuðningsmönnum liðsins. 

Stórskemmtilegt myndband náðist af tónlistarkonunni er hún fylgdist með leiknum og hefur það vakið mikla athygli á samfélagsmiðlinum X.

Rétt áður en Harry Kane, fyrirliði enska landsliðsins í knattspyrnu, skoraði úr vítaspyrnu og jafnaði metin fyrir England þá heyrðist Adele segja háværum stuðningsmönnum að steinhalda kjafti en um leið og Kane negldi boltanum í netið stökk hún á fætur og fagnaði eins og sannur stuðningsmaður. 

Frétt af mbl.is

Kane sló met á EM með jöfnunarmarkinu

Adele var ekki eina stórstjarnan í stúkunni, tónlistarmaðurinn Ed Sheeran var einnig á staðnum til að styðja sína menn.  

Tengdar fréttir

Poppkúltúr

Affleck og Lopez hafa sett glæsihýsið á sölu

• Lisa Kudrow rýfur þögnina
• Fyrrverandi barnastjarna fannst látin í bíl
• Búin að fá sig fullsadda á frægðinni
• Sharon Stone málar ber að ofan

» Fleiri tengdar fréttir

• Blogga um frétt