Rigning hafði ekki áhrif á stemninguna hjá hátíðargestum á Kótelettunni á Selfossi um helgina. Þriggja daga hátíðinni lauk undir morgun er Patr!k „PBT“ Atlason sló botninn í hátíðina.
Það rigndi nánast stanslaust á hátíðargesti í alla nótt sem létu það ekki á sig fá.
Þetta kemur fram í tilkynningu.
Það var enginn skortur af poppstjörnum á hátíðinni en söngkonan Klara Einars hóf tónlistarveisluna.
Birgitta Haukdal og Írafár, Emmsjé Gauti, Daniil, Love Guru, FM95Blö, 12:00, Hubba Bubba, Stuðlabandið, Diljá og Gugusar tróðu upp á fullu hátíðarsvæði í rigningunni í gær.
Grillað var til styrktar Styrktarfélagi krabbameinssjúkra barna í Sigtúnsgarði í gær og gekk það afskaplega vel, að því er fram kemur í tilkynningunni. Hátíðin er einn stærsti stuðningsaðili félagsins á Íslandi.