Bandaríski rapparinn Wiz Khalifa hefur verið ákærður fyrir vörslu fíkniefna í Rúmeníu. Hann er sagður hafa neytt kannabis er hann var á sviði á tónlistarhátíð.
Wiz Khalifa kom fram á hátíðinni „Beach, Please!“ í strandbænum Costinesti í gær.
Hann var tekinn með fíkniefnin í nótt, að sögn saksóknara.
Í Rúmeníu er kannabis flokkað sem „hættuleg fíkniefni“ og varsla þeirra varðað tíu ára fangelsi.
Myndskeið hafa birst á samfélagsmiðlum þar sem lögregla fjarlægir rappararann frá tónleikasvæðinu.
Í yfirlýsingu rúmenskra lögregluyfirvalda sagði að rapparinn hafi haft meira en 18 grömm af kannabis í vörslu sinni. Þá neytti hann kannabissígaretta á sviði.
Heimildir AFP-fréttaveitunnar herma að lögregla hafi yfirheyrt Wiz Khalifa og nokkra aðra í morgun. Að því loknu var rapparinn ákærður en látinn laus úr haldi.