Englendingar sátu eftir í sárum eftir tap í úrslitaleik EM karla í fótbolta í gær gegn Spánverjum sem fögnuðu sínum fjórða Evróputitli fram á nótt. Vilhjálmur Bretaprins var viðstaddur leikinn ásamt Georgi prins en Vilhjálmur fór inn á völlinn eftir leikinn til að hughreysta leikmenn og þjálfara.

Hann sást meðal annars í djúpum samræðum við fyrirliðann Harry Kane og liðsfélaga hans þá Bukayo Saka og Jude Bellingham. 

Karl Bretakonungur sendi einnig hlýjar kveðjur eftir leikinn á samfélagsmiðlinum X, áður Twitter.

„Þó að sigurinn hafi runnið úr greipum ykkar í kvöld, mun ég og eiginkona mín og öll fjölskylda mín hvetja ykkur og stuðningsmenn liðsins til að halda höfðinu hátt,“ segir Karl Bretakonungur.

Enska landsliðið kom sér í færi til að vinna EM í fyrsta skipti frá upphafi en áður hafði liði komist næst sigri þegar þeir töpuðu gegn Ítalíu í úrslitaleiknum árið 2021. Englendingar misstu nú af því að vinna fyrsta stórmótasigurinn í 58 ár en liðið vann HM á heimavelli árið 1996. 

Vilhjálmur Bretaprins hefur verið duglegur að blása kjarki í enska landsliðið með kröftugum ræðum sínum og pistlum á samfélagsmiðlum í gegnum alla Evrópukeppnina sem gerði honum kleift að tengjast landsliðinu á einstakan hátt. 

Það verður aðeins að koma í ljós eftir fjögur ár hvort Englendingar fá tækifæri aftur til að  næla sér í Evrópumeistaratitilinn. 

Frétt af mbl.is

Vilhjálmur: Allir vilja sigra okkur

Us Weekly

Tengdar fréttir

Kóngafólk í fjölmiðlum

Katrín prinsessa afhendir Wimbledon-bikarinn

• Kjóll Meghan nánast eins og brúðarkjóll hennar
• Spánardrottning í hræódýrum kjól
• Keyrt á Danadrottningu
• Vorkennir börnum Harry og Meghan

» Fleiri tengdar fréttir

Díana prinsessa

25 ár frá andláti Díönu prinsessu

• Bíll Díönu seldist á 108 milljónir
• Hvers vegna var Díana engin venjuleg prinsessa?
• Myndböndin „tilheyra ekki almenningi“
• Fékk óhugnanlegar hringingar frá Díönu

» Fleiri tengdar fréttir

Elísabet II. Bretadrottning

Jarðarförin kostaði ríkið 28 milljarða

• Fagnaði 63 árum með hundum Elísabetar
• Upplýst um dánarorsök drottningar
• Hvíla saman í Windsor
• Sváfu á kaldri jörðinni til að sjá útförina

» Fleiri tengdar fréttir

• Blogga um frétt