Bandaríski þjóðsöngurinn var henni ofviða
Setja bókamerki
Sveitasöngkonan Ingrid Andress hefur sætt mikilli gagnrýni fyrir flutning sinn á bandaríska þjóðsöngnum á mánudagskvöld.
Andress, sem skaust upp á stjörnuhimininn fyrir örfáum árum með laginu More Hearts Than Mine, var þess heiðurs aðnjótandi að flytja þjóðsöng Bandaríkjanna, Star Spangled Banner, við upphaf hafnaboltaleiks sem var spilaður í Arlington í Texas í gærkvöld.
Sveitasöngkonan, sem virtist mjög stressuð og sást skjálfa, söng án undirleiks og átti í miklum erfiðleikum með halda lagi. Það var ljóst frá fyrsta hljómi.
Mikið hefur verið fjallað um tónlistarflutning Andress á samfélagsmiðlum og eru allmargir netverjar sammála um að lagið hafi verið henni ofviða enda mjög erfitt og krefjandi. Þjóðsöngur Bandaríkjanna er einn sá erfiðasti í heimi.
Myndskeið af flutningi Andress hefur fengið hátt í 600.000 áhorf á Youtube á síðustu klukkustundum. Í því má sjá nokkra þekkta leikmenn reyna að fela háðsglott.
Sendi nektarmyndir af dreng sem hann passaði
„Við vöknuðum við hljóð frá sprengingum“
Falskur fyrirvari á auglýsingum Höllu
Íslensk kona handtekin á Tenerife eftir líkamsárás
Unnið að hraunkælingu allan sólarhringinn
Vonir bundnar við morgundaginn
Formaðurinn útilokar ekki undirritun í kvöld