Skrifaði undir skilnað degi fyrir andlát sitt
Setja bókamerki
Bandaríska leikkonan Shannen Doherty gekk formlega frá skilnaði sínum aðeins einum degi fyrir andlát sitt. Doherty sem var fræg fyrir leik sinn í Beverly Hills 90201 og Charmed lést eftir erfiða baráttu við krabbamein á laugardaginn.
Doherty gekk í hjónaband með ljósmyndaranum Kurt Iswarienko í október árið 2011. Þau skildu að borði og sæng í janúar árið 2023 en gengu ekki frá skilnaðinum fyrr en nýlega. Þegar Doherty sótti um skilnað í apríl í fyrra sagði talsmaður leikkonunnar að skilnaður væri það síðasta sem leikkonan vildi en hún ætti engra annarra kosta völ.
Vefmiðillinn ET hefur skilnaðarpappírana undir höndum. Þar kemur fram að Doherty hafi skrifað undir föstudaginn 12. júlí. Iswarienko skrifaði undir degi seinna, eða sama dag og Doherty lést. Hjónin fyrrverandi deildu meðal annars um greiðslur en Doherty krafðist fjárhagslegs stuðnings. Doherty rökstuddi það á þann hátt að hún gæti ekki unnið en væri að gangast undir dýra læknismeðferðir til að lengja líf sitt. Á meðan væri Iswarienko að eyða peningum í lúxus.
Kourani áfrýjar dómnum
Myndskeið: Trump skotinn
Vilja ekki sjá Kjalölduveitu í verndarflokki
Mikið magn af rauðvínspóstum eftir helgar
Tjón eftir úrkomumet: „Landslagið er gjörbreytt“
Lögreglustjóri gerður afturreka
Best að skella á og hringja strax í bankann
J.D. Vance varaforsetaefni Trumps