Billie Eilish opnar sig um ástarlífið
Setja bókamerki
Tengdar fréttir
Poppkúltúr
Söngkonan Billie Eilish hefur komið hreint fram, hún mun ekki vera vinur neins sem lyktar ekki vel.
Þessu deilir hún í viðtali við YouTube-stjörnuna Ameliu Dimoldenberg en söngkonan, sem er 22 ára, segir að góður ilmur sé það sem henni finnist oft mest aðlaðandi í fari fólks.
„Góð lykt er eiginlega númer eitt. Ég get alveg stundum leitt það hjá mér, en það er klárlega það fyrsta sem ég tek eftir. Ég hef mjög sterkt lyktarskyn þannig að ef einhver ilmar mjög vel þá er ég líklegri til að falla fyrir þeim,“ segir Eilish.
Er ekki að leita af ástinni
Eilish var líka spurð út í hvað það er sem kveikir í henni og hún var ekki lengi að svara, en hún sagði að ástríða skipti öllu máli. Hún deildi því svo að henni líkaði ekkert sérstaklega mikið við það þegar hún verður ástfangin því þá finnst henni hún missa tökin.
„Ég verð alveg klikkuð þegar ég verð hrifin af annarri manneskju. Þegar ég var yngri var ekkert þeirra sem mér líka við sem vildi mig til baka, allavega ekki sem ég veit af. Það var svo niðurdrepandi. Það er sorglegt,“ segir Eilish.
Hún bætir við að hennar stærsta vandamál þegar kemur að ástinni sé henni langi að hafa stjórn á aðstæðum en auk þess eigi hún erfitt með að berskjalda sig á rómantískan hátt.
„Ég sé mig ekki fyrir mér í alvarlegu sambandi með neinum þangað til ég finn réttu manneskjuna, en ég er bara ekkert spennt fyrir því eins og staðan er núna,“ segir Eilish.
/frimg/1/44/64/1446426.jpg)
Tengdar fréttir
Poppkúltúr
„Ekki gera meira af því sama“
Lögreglustjóri gerður afturreka
Kourani áfrýjar dómnum
Höddi Magg snýr aftur í enska boltann
Vilja ekki sjá Kjalölduveitu í verndarflokki
Sveitalubbinn með Hvíta húsið í sigtinu
Við höfum „runnið til baka niður brekkuna“