Sheikha Mahra bint Mohammed bin Rashid Al Maktoum, dóttir varaforseta og forsætisráðherra Sameinuðu arabísku furstadæmanna, kom eiginmanni sínum, Sheikh Mana bin Mohammed bin Rashid bin Mana Al Maktoum, að óvörum á þriðjudag þegar hún óskaði eftir hjónaskilnaði í færslu á samfélagsmiðlasíðunni Instagram.
Skilnaðarbeiðnin kemur aðeins tveimur mánuðum eftir fæðingu frumburðar þeirra.
Í færslunni, sem er stutt og hnitmiðuð, ásakar Sheikha Mahra eiginmann sinn um ítrekuð framhjáhöld og segir hjónabandinu lokið. Hún hefur þegar eytt öllum myndum af eiginmanni sínum af Instagram-síðu sinni.
Sheikha Mahra og Sheikh Mana gengu í það heilaga í maí á síðasta ári. Hjónin héldu glæsilega veislu tæpum mánuði síðar í Dúbaí.