Fjölbreytt hátíðarhöld um land allt um helgina

Meðal hátíða sem verða haldnar um og yfir helgina er Sumar- og bjórhátíð Lyst á Akureyri, sem fjallað er um í Morgunblaðinu í dag.

Í Reykjavík fer fram einn stærsti matarviðburður ársins, eða Götubitahátíðin. Þar geta landsmenn fengið svar við spurningunni hver sé besti götubiti landsins. Spurning sem eflaust ófáir Íslendingar eru að velta fyrir sér.

Frétt af mbl.is

Óstöðugt loft yfir landinu

Kíkt á ball eftir keppni

Hlaupahátíðin á Vestfjörðum hófst í gær en á hátíðinni er keppt í hlaupum, hjólreiðum, sjósundi og þríþraut.

Á laugardaginn eftir keppni geta keppendur kíkt á ballið á Ögurhátíðinni í Ögri við Ísafjarðardjúp og fengið sér rabarbaragraut með rjóma.

Annars staðar á Vestfjörðum verður bæjarhátíðin á Þingeyri, Dýrafjarðardagar, og Bryggjuhátíðin sem er skemmtileg fjölskylduhátíð á Drangsnesi.

Frétt af mbl.is

10 hlutir sem þú þarft fyrir skvísuútileguna

Bæjar- og listahátíðir fyrir norðan og austan

Fyrsta stopp á Norðurlandi er á Húnavöku, bæjarhátíð Blönduóss, og verður um nóg að velja þar fyrir gesti og gangandi.

Á Siglufirði er listahátíðin Frjó haldin, sem er listahátíð með tónlist, myndlist og ljóðalestri svo eitthvað sé nefnt.

Ár hvert eru Miðaldadagar á Gásum, 11 kílómetrum frá Akureyri, haldnir til að endurskapa þennan forna kaupstað.

Kaupstaðurinn verður opinn kl. 10-16 báða dagana og er frítt fyrir gesti. Á Þórshöfn verður bæjarhátíðin Bryggjudagar og er dagskráin fjölbreytt að vanda.

Á Austurlandi fer fram annars vegar listahátíðin LungA á Seyðisfirði og hins vegar sumarhátíð UÍA á Egilsstöðum.