Gulir vagnar á götunum í sumar

Fyrirtækið Tuk Tuk Tours Iceland gerir út nokkra vagna og setja þeir óneitanlega svip á bæinn, gulir að lit og nokkuð frábrugðnir bílaflota landsmanna.

Stefán Leó Garðarsson, bílstjóri og leiðsögumaður, stóð vaktina í á miðvikudaginn og beið eftir áhugasömum ferðalöngum í Bankastrætinu þegar útsendarar Morgunblaðsins voru á ferð. Hann sagði að sumarið hefði verið nokkuð annasamt til þessa.

Frétt af mbl.is

„Skemmtilegasta starf sem ég hef unnið við“

Fjölskyldur reka fyrirtækið

„Þetta er fjölskyldufyrirtæki. Pabbi minn og systkini hans reka það ásamt fjölskyldum,“ segir hann glaður í bragði.

Stefán segir að fyrirtækið geri út fjóra Tuk Tuk-vagna. Hinir eru í geymslu og eru til taks á Skarfabakka þegar skemmtiferðaskipin leggjast þar að.

Vinsælt er hjá ferðamönnum að fá öðruvísi leiðsögn um miðborgina og myndast oft mikil og góð stemning hjá hópum.

Vagnarnir eru smáir í sniðum og komast á staði sem stærri ökutæki komast kannski ekki á. Sex farþegar rúmast í hverjum vagni en þægilegast er fyrir fjóra fullorðna að deila vagni.

Fyrir hálftíma ferð greiðir hver 5.000 krónur en 7.500 krónur fyrir klukkutíma.

Mikil gleði var hjá gæsahópnum

„Það hefur gengið ágætlega í sumar þó það megi auðvitað alltaf ganga betur. Við höfum aðallega fengið túrista en það mættu kannski koma fleiri Íslendingar.

Við höfum þó fengið fólk sem er að skemmta sér, til dæmis gæsahóp sem var mjög ánægður. Þar var mikið stuð,“ segir ekillinn Stefán.