Hildur Guðnadóttir tónskáld semur tónlistina fyrir nýju myndina um Jókerinn. Myndin heitir Joker: Folie à Deux og verður frumsýnd í Bandaríkjunum 4. október.
Fyrsta Jóker myndin naut mikillar velgengni, en hún kom út árið 2019. Hildur hlaut Óskarsverðlaun fyrir tónlistina í þeirri mynd.
Joaquin Phoenix og Lady Gaga fara með aðalhlutverk nýju myndarinnar sem fjallar um ástarsamband Jókersins og Harley Quinn.
Hildur vakti athygli á því á Facebook–síðu sinni að í dag kom út ný stikla úr myndinni sem má sjá hér að neðan.