„Kamala er frekjudós“
Setja bókamerki
Kamala Harris, varaforseti Bandaríkjanna, er úti um allt á samfélagsmiðlum. Teymið hennar og stuðningsmenn reyna nú eftir fremsta megni að ná til ungs fólks, þá sérstaklega til Z-kynslóðarinnar. Þeir sem tilheyra Z-kynslóðinni eru fæddir 1997-2013.
Harris tilkynnti um framboð sitt til að fá tilnefningu Demókrataflokksins á sunnudag, sama dag og Joe Biden Bandaríkjaforseti greindi frá því að hann væri hættur við forsetaframboð.
Í gær skrifaði breska söngkonan Charli XCX færslu á X þar sem hún sagði „Kamala is brat“, „Kamala er frekjudós“ á íslensku, sem vísar til plötu hennar Brat sem kom út í júní. Platan hefur hlotið mikið lof.
En hvaða merkingu hefur það að vera frekjudós í þessu samhengi? Og er það núna jákvætt að vera frekjudós?
Samkvæmt Charli XCX er frekjudós stelpa sem er meðal annars óskipulögð, hreinskilin, finnst gaman að djamma og segir stundum heimskulega hluti. Það þykir eftirsótt af aðdáendum Charli XCX að vera kallaðir „brat“.
„Brat“ er andstæðan við það sem hefur verið kallað „clean girl“ á samfélagsmiðlum, sem mætti þýða sem snyrtileg stelpa. Þær fara til dæmis snemma að sofa, hugsa vel um húðina, nota lítið af snyrtivörum og drekka helst matcha latte.
Þá er liturinn sem einkennir „brat“ eiturgrænn. Í kjölfar færslu Charli XCX hafa stuðningsmenn Harris gripið þetta. Nú er meðal annars opnunarmynd X-reikningsins Kamala HQ, sem er rekinn af kosningateymi Harris, eiturgræn.
Harris virðist nú einnig njóta mikilla vinsælda á TikTok. Síðustu þrjá daga hafa notendur miðilsins birt fjölmörg myndbönd af henni.
Meðal annars hafa brot úr kappræðum hennar og Mike Pence fyrrverandi varaforseta árið 2020 verið rifjuð upp. Þá er myndband af Harris þar sem hún talar um kókoshnetutré í mikilli dreifingu.
Var aldrei að fara að byggja glerhöll eða gámahótel
„Ekkert samtal sem hefur átt sér stað“
Svona voru síðustu dagarnir: „Ég þarf viku“
Veitti fá svör um banatilræðið við Trump
/frimg/1/50/58/1505804.jpg)
Hreinar línur í veðrinu næstu tíu daga
Brotin eftir greiningarferlið
/frimg/1/9/31/1093106.jpg)
Mohamad ekki sá eini: Þúsundir skipta ár hvert