Hljómsveitin Nýdönsk hefur sent frá sér nýtt lag, Fullkomið farartæki. Hljómsveitin er nýkomin frá Englandi en þar dvöldu meðlimir sveitarinnar ásamt Guðmundi Péturssyni, gítarleikara, við upptökur um hríð í hljóðveri Peter Gabriel, Real World, sem er staðsett í enskri sveit á Suður-Englandi.

Ný hljómplata mun líta dagsins ljós á næstu mánuðum og má segja að Fullkomið farartæki sé ágætis forréttur áður en aðalrétturinn verður borinn á borð fyrir hungraða aðdáendur sveitarinnar.

Það eru þrjú ár síðan Nýdönsk sendi frá sér nýtt lag og sjö ár síðan síðasta plata hljómsveitarinnar, Á plánetunni jörð, kom út. Platan fékk afbragðs góðar viðtökur og hlaut meðal annars fern verðlaun á íslensku tónlistarverðlaunum.

Nýdönsk skipa nú sem fyrr þeir Björn Jörundur, Daníel Ágúst, Jón Ólafsson, Ólafur Hólm og Stefán Hjörleifsson og höfundar lagsins Fullkomið farartæki eru þeir Björn og Daníel. Hljóðupptaka og hljóðblöndun var unnin af Katie May.

Tengdar fréttir

Poppkúltúr

Leyfir Harris að nota lagið sitt í kosningabaráttunni

• Lopez fagnaði 55 ára afmælinu án Affleck
• Fær 277 milljónir fyrir eitt lag á opnunarhátíð Ólympíuleikanna
• 78 ára og í hörkuformi
• Dánarorsök Sandera gerð opinber

» Fleiri tengdar fréttir

• Blogga um frétt