Hefbundin kynjahlutverk nýtt tískufyrirbæri

Samfélagsmiðlastjarnan Hannah Neeleman, einnig þekkt sem Ballerinafarm, hefur verið mikið til umfjöllunar síðustu daga eftir að viðtal við hana birtist á The Times. Hún hefur verið titluð sem „the queen of trad-wifes“ eða drottning hinnar hefðbundnu eiginkonu á íslensku.

Neeleman er 34 ára og á átta börn með eiginmanni sínum Daniel Neeleman. Hún komst í heimspressuna fyrr á árinu þegar hún keppti í fegurðarsamkeppninni ungfrú heimur aðeins 12 dögum eftir að hafa fætt sitt áttunda barn. 

Frétt af mbl.is

Keppti í fegurðarsamkeppni með nýfætt barn

Allt frá grunni og ekkert keypt

Neelman er með rúmlega níu milljón fylgjendur á Instagram og tæplega átta milljón fylgjendur á TikTok. Þar deilir hún ýmsum uppskriftum með fylgjendum sínum. 

Uppskriftir hennar hafa vakið mikla athygli, einkum fyrir það að allt sem hún eldar gerir hún algjörlega frá grunni. Þau hjónin halda úti búskap og eru allar dýraafurðir þeirra frá þeirra eigin skepnum. Það sama má segja um allt grænmeti og alla ávexti en þau rækta flestar sínar afurðir heima hjá sér.  

Neeleman sýnir iðulega frá því þegar hún fer út að mjólka kýrnar sínar og nýtir svo mjólkina til matargerðar, eins og sjá má hér að neðan.

Ný tískubylgja?

Önnur samfélagsmiðlastjarna, Nara Smith, hefur notið mikilli vinsælda undanfarna mánuði.

Smith er 22 ára og á þrjú börn með eiginmanni sínum Lucky Blue Smith. Hún er með tæplega níu milljón fylgjendur á TikTok þar sem hún deilir uppskriftum með fylgjendum sínum. Þá býr hún til ótrúlegustu hluti frá grunni og má þar nefna tannkrem, sólarvörn, gúmmí bangsa og margt fleira. 

Fjölda fólks hefur lýst yfir áhyggjum sínum af því að hefðbundin kynjahlutverk séu orðin að tískufyrirbæri en bæði Neeleman og Smith eru heimavinnandi og hugsa um börnin á meðan eiginmenn þeirra eru útivinnandi. 

• Blogga um frétt