Þrír liðsmenn bandarísku fjölskylduhljómsveitarinnar The Nelons voru á meðal þeirra sem létust í flugslysi í Wyoming-fylki á föstudag. Hljómsveitin var á leið til Alaska til að spila á tónleikum. 

Umboðsfyrirtæki hljómsveitarinnar, Gaither Management Group, staðfesti sorgartíðindin á Facebook um helgina. 

Hjónin Jason Clark og Kelly Nelon Clark fórust ásamt dóttur sinni, Amber Kistler, og fjórum öðrum. 

Slysið varð í bænum Gillette skömmu eftir hádegi á föstudag. 

The Nelons var þekkt fyrir kántrí- og gospeltónlist. Hljómsveitin hlaut Grammy-verðlaun fyrir besta kántrílagið, If God Pulled Back The Curtain, árið 2021. 

Fjórði liðsmaður sveitarinnar, og fjölskyldunnar, Autumn Nelon, var ekki um borð. Hún minntist foreldra sinna, systur, mágs og annarra um borð á Instagram á laugardag. 

Tengdar fréttir

Instagram

Instagram: Ásdís Rán nældi sér í lit á kroppinn

• Eva Laufey umvafin sól og sumaryl
• Simmi Vill fékk skemmtilega áskorun frá kærustunni
• Veiðimenn sluppu með skrekkinn
• Fór úr að ofan og skellti á sig kattarkonugrímu

» Fleiri tengdar fréttir

• Blogga um frétt