Leikkonan Elizabeth Banks var nær dauða en lífi þegar hún lenti í óhugnanlegu atviki í pásu á milli kvikmyndataka á nýjustu mynd hennar, Skincare. Banks var ein að njóta hádegisverðar í hjólhýsi sínu þegar græn baun hrökk ofan í hana og lokaði fyrir öndunarveginn. 

Banks rifjaði upp atvikið í viðtali við bandaríska morgunþáttinn Good Morning America nú á dögunum. 

„Ég reif upp hurðina, gat ekki gefið frá mér nein hljóð. Ég var mjög hrædd,“ viðurkenndi Banks sem var bjargað af liðsmanni tökuliðsins.

„Hann er verndarengillinn minn“

„Ég verð honum ævinlega þakklát,“ sagði Banks þegar hún talaði um manninn sem kom auga á hana á réttu augnabliki og náði að beita skyndihjálp.

„Hann heitir Julius. Hann er verndarengillinn minn. Ég elska þig, Julius.“

Mikilvægt að kynna sér skyndihjálp

Banks hvatti alla til þess að kynna sér skyndihjálp og sagði það afar mikilvægt fyrir fólk að kunna öll helstu grundvallaratriði enda veistu aldrei hvenær þú þarft að koma einhverjum til bjargar.

Tengdar fréttir

Poppkúltúr

Sex and the City-stjörnur hittust óvænt í París

• Ben Affleck hefur fest kaup á glæsivillu
• Sonur Jolie og Pitt slasaðist í umferðarslysi
• Hefur ekki sofið í sama rúmi og eiginmaðurinn í 40 ár
• Dánarorsök O'Connor gerð opinber

» Fleiri tengdar fréttir

• Blogga um frétt