Stórleikarar í nýrri kvikmynd um fundinn í Höfða
Setja bókamerki
Samkvæmt kvikmyndamiðlinum Deadline, munu stórleikararnir Jeff Daniels, Jared Harris og J.K. Simmons, allir fara með hlutverk í væntanlegri kvikmynd um leiðtogafundinn í Höfða. Myndin ber heitið Reykjavík: A Cold War Saga, og fjallar um það þegar þeir Ronald Reagan, Bandaríkjaforseti, og Mikhail Gorbachev, leiðtogi Sovétríkjanna, hittust á sögulegum fundi árið 1986.
Í frétt Deadline, segir að Jeff Daniels muni fara með hlutverk Reagans, en hann hefur áður leikið í myndum á borð við The Martian og Dumb and dumber.
Þar segir einnig að Jared Harris muni leika Gorbachev, en hann er einnig þekktur fyrir hlutverk sín í þáttum á borð við Chernobyl og Mad men. Þá mun óskarsverðlaunahafinn J.K. Simmons fara með hlutverk Georg Shultz, utanríkisráðherra Bandaríkjanna.
Tökur hefjist í október
Framleiðandi myndarinnar er kvikmyndaverið Sk Global, og mun Michael Russell Gunn leikstýra myndinni eftir eigin handriti, en verður myndin jafnframt frumraun hans í að leikstýra bíómyndum.
Samkvæmt heimildum Deadline, er búist við því að tökur myndarinnar hefjist í október á þessu ári, en þær munu að miklu leyti fara fram í Höfða. Enn liggur þó ekki fyrir hvenær myndin kemur út.
Skýrt að hótanir verði ekki liðnar
Sakar ráðherra um uppgjöf
Ísland er enn í hjarta mínu og huga
„Það er allt í fokki“
„Ekkert afgerandi bongó í kortunum“
Boða „sterka innkomu“ Starbucks á Íslandi
Segir sóðaskapinn ekki íbúum að kenna
Veðrið „ekki beint kræsilegt“