Stjörnufans á götum Parísar
Setja bókamerki
Fjölmargar Hollywood-stjörnur hafa flykkst til Parísar til að fylgjast með stærsta íþróttaviðburði í heimi, Ólympíuleikunum.
Hér má sjá nokkur þekkt andlit sem hafa sést á áhorfendapöllunum síðustu daga.
Ariana Grande
Söng- og leikkonan Ariana Grande lét sig ekki vanta á Ólympíuleikana. Hún mætti á opnunarhátíðina íklædd bleikum silkikjól sem var hannaður af Thom Browne.
Cynthia Erivo
Leikkonan Cynthia Erivo mætti ásamt Grande á opnunarhátíðina. Þær vinkonur virtust skemmta sér drottningarlega. Báðar fara þær með aðalhlutverk í kvikmyndinni Wicked sem er væntanleg í kvikmyndahús þann 22. nóvember næstkomandi.
Snoop Dogg
Rapparinn Snoop Dogg hefur vakið ómælda athygli á Ólympíuleikunum. Hann hljóp með ólympíueldinn á setningarhátíð leikanna og hefur einnig sinnt hlutverki íþróttalýsanda fyrir bandarísku sjónvarpsstöðina NBC.
John Legend og Chrissy Teigen
Stjörnuhjónin John Legend og Chrissy Teigen ferðuðust til Parísar ásamt eldri börnum sínum tveimur, Lunu og Miles. Fjölskyldan mætti á opnunarhátíð Ólympíuleikanna. Sást í áhorfendastúkunni að þau hvöttu fimleikastjörnuna Simone Biles og bandaríska landsliðiðliðið til dáða.
Lady Gaga
Eins og margir vita var Lady Gaga með mikið sjónarspil á setningarhátíðinni en páfuglaþemað í tónlistaratriði hennar vakti mikla athygli. Síðan þá hefur hún sést í áhorfendastúkunni á hinum ýmsu íþróttaviðburðum.
Beyoncé
Stórstjarnan Beyoncé er mikill aðdáandi fimleikakonunnar Simone Biles og mætti að sjálfsögðu á staðinn til að hvetja sína konu.
Nicole Kidman og Keith Urban
Stjörnuparið Nicole Kidman og Keith Urban hafa verið að njóta sín í borg ástarinnar. Í síðustu viku birti Kindman myndband af sér að fylgjast með hjólabrettakeppninni sem fór fram utandyra nálægt mörgum af helstu kennileitum Parísarborgar.
Pharrell Williams
Bandaríski söngvarinn Pharell Williams fékk einnig þann heiður að bera ólympíueldinn, líkt og Snoop Dogg.
Nick Jonas
Söng- og leikarinn Nick Jonas var í glæsilegum jakkafötum frá Ralph Lauren á opnunarhátíðinni. Hann hefur reglulega sést á áhorfendapöllum að styðja bandaríska sundliðið.
Jessica Chastain
Bandaríska leikkonan Jessica Chastain er stödd í París um þessar mundir með börnin sín tvö en þau hafa verið dugleg að mæta á áhorfendapallana og fylgjast með hinum ýmsu viðburðum.
Serena Williams
Tennisgoðsögnin Serena Williams er ekki meðal keppenda í ár en fékk þó það mikilvæga hlutverk að bera ólympíueldinn. Hún er ötull stuðningsmaður bandarísku keppendanna.
Sarah Jessica Parker og Jennifer Hudson
Stöllurnar Sarah Jessica Parker og Jennifer Hudson hittust óvænt í París í síðustu viku. Hudson birti sæta mynd af þeim saman á Instagram. Fjölskylda Parker, eiginmaður og börn, eru einnig í París.
Natalie Portman
Bandaríska leikkonan Natalie Portman hefur síðustu daga verið að fagna stórkostlegu íþróttafólki á Ólympíuleikunum.
Celine Dion
Kanadíska söngkonan Celine Dion heillaði heiminn með flutningi sínum á laginu L'hymne à l'amour.
Elizabeth Banks
Leikkonan Elizabeth Banks segir á Instagram-reikningi sínum að það að sjá fyrsta leik bandaríska kvennalandsliðsins í blaki sé nú ein af uppáhalds minningum hennar. Banks birti mynd af sér ásamt leikkonunni Leslie Mann og fleirum á blakleiknum.
„Ekkert afgerandi bongó í kortunum“
Ísland er enn í hjarta mínu og huga
Lætur langvinn veikindi ekki stöðva sig
Banksy málar dýr á veggi
Alvarlegt vinnuslys í Grindavík
Hvalurinn komst loks á flot
Tómur bílaleigubíll fundinn: Ræsa út leitarhunda
Óvenjulegar aðstæður og lítið af vísbendingum