Tónlistarkonan Laufey Lín Jónsdóttir heldur áfram að heilla heimsbyggðina upp úr skónum. Það hefur verið nóg um að vera hjá tónlistarkonunni að undanförnu, en hún er á tónleikaferðalagi um heiminn um þessar mundir.

Á dögunum lenti Laufey í óvæntu atviki á tónleikum sínum og deildi því með fylgjendum sínum á samfélagsmiðlum sem eru yfir tíu milljón talsins þvert á miðla hennar. 

Í myndbandi sem Laufey birti á TikTok-reikningi sínum sést hún spila lagið Dreamer af plötunni Bewitched, sem hún hlaut Grammy-verðlaun fyrir í byrjun árs. Skyndilega hættir Laufey að syngja og kippist til. „Guð minn góður, það er bjalla,“ segir Laufey svo og hlær, en hún reynir svo að koma bjöllunni í burt sem gekk brösuglega til að byrja með. 

Frétt af mbl.is

Laufey hlaut Grammy-verðlaun

Atvikið hefur vakið mikla lukku á samfélagsmiðlum, en af myndbandinu að dæma virtust tónleikagestir skemmta sér konunglega og hlógu að atvikinu. Laufey vitnar svo í texta lagsins og skrifar við myndbandið: „Enginn mun drepa draumórana innra með mér nema þessi bjalla sem réðst á mig í miðju lagi.“

Tengdar fréttir

Laufey

Laufey lék fyrir þúsundir í Hollywood Bowl

• Laufey steig á svið með Ben Platt
• Laufey og Sinfónían rokseljast á ný
• Laufey nældi sér í bragðaref
• Laufey handhafi Ella Fitzgerald-verðlaunanna

» Fleiri tengdar fréttir

Tónlist

Jack Black fullviss um framtíð Tenacious D

• Stemning fjallar um stemningu
• Gugga í Gúmmíbát og HúbbaBúbba sameina krafta sína
• Tilfinningarússíbani fylgir því að búa í litlu samfélagi
• Bríet og Birnir á nýrri tónlistarhátíð

» Fleiri tengdar fréttir

• Blogga um frétt