Grínistinn og sjónvarpsmaðurinn Nick Cannon viðurkennir að hann sé enn ástfanginn af fyrrverandi eiginkonu sinni, söngkonunni Mariuh Carey. 

Cannon sagðist vera vongóður um að einn daginn ættu leiðir þeirra eftir að liggja saman aftur í viðtali við E News á dögunum.

„Við tilheyrum hvort öðru. Ég myndi algjörlega byrja aftur með henni, ég væri heimskur ef ég gerði það ekki,“ sagði Cannon. Hann viðurkennir þó að það yrði ekki auðvelt þar sem hann er faðir tólf barna sem hann á með sex konum.  

Cannon segist aldrei hafa átt von á því að allar barnsmæður sínar myndu ná eins vel saman og þær gera nú, en vellíðan barnanna hefur ávallt verið í fyrsta sæti hjá honum. 

Ástin kviknaði á milli fyrrverandi hjónanna í ársbyrjun 2008 þegar grínistinn lék í tónlistarmyndbandi söngkonunnar við lagið Bye Bye. Þau gengu í hjónaband nokkrum mánuðum síðar, en þau eiga saman tvíburana Monroccan og Monroe sem eru þrettán ára.

Neistinn slokknaði hins vegar hjá Cannon og Carey sex árum síðar og gengu þau endanlega frá skilnaðinum árið 2016. 

People

Frétt af mbl.is

Cannon lét tryggja á sér eistun

Frétt af mbl.is

Þarf 12 barna faðir ekki að borga meðlag?

Tengdar fréttir

Poppkúltúr

Kynlíf er „sársaukafullt“ að mati Brooke Shields

• Ætla að notfæra sér ástandið til að auka frægð sína
• Barnasprengja innan slökkviliðs vekur athygli
• Sökuð um „dívustæla“
• Segist eiga erfitt með að ná endum saman

» Fleiri tengdar fréttir

Ást í Hollywood

Fyrrverandi barnastjörnur í hnapphelduna

• Heitasta parið í Hollywood hætt saman
• Hætt að fela ást sína
• Er Zendaya trúlofuð Tom Holland?
• Sánchez sæt og seiðandi inn í nýja árið

» Fleiri tengdar fréttir

• Blogga um frétt