Líkja sambandsslitunum við skilnað Díönu og Karls

Bresku Love Island-stjörnurnar Molly-Mae Hague og Tommy Fury greindu frá því í fyrradag að þau hefði slitið trúlofun sinni eftir fimm ára samband. Síðan þá hafa netheimar logað og virðast margir vera í hálfgerðu áfalli yfir fregnunum.

Frétt af mbl.is

Tommy Fury og Molly-Mae Hague eru hætt saman

Frétt af mbl.is

Hélt Tommy Fury framhjá Molly-Mae Hague?

Bretar virðast þó hafa tekið sambandsslitunum sérstaklega nærri sér, en þeir hafa beðið óþreyjufullir eftir svörum þar sem sambandsslitin virtust koma eins og þruma úr heiðskýru lofti. Sumir hafa sagt frá því að hafa átt eftir með að sofa í kjölfar fregnanna á meðan aðrir segjast nú endanlega hafa misst alla trú á sannri ást. 

Rúmum sólarhring eftir að tilkynningin um sambandsslitin barst var greint frá því í breskum fjölmiðlum að Hague hafi komist að því að Fury hefði haldið framhjá henni, og að hún búist við því að konurnar séu fleiri og muni stíga fram á næstunni.

Frétt af mbl.is

Sagður hafa haldið ítrekað framhjá Hague

Eins og þegar Klopp hætti hjá Liverpool

Færslur hafa hrannast inn á samfélagsmiðla þar sem notendur hafa reynt að lesa á milli línanna og komast að sannleika málsins, en í yfirlýsingunni sem Hague deildi á miðlum sínum virtist hún gefa í skyn að sambandsslitin hefðu komið henni sjálfri á óvart og að sambandið hafi endað illa. 

Þá hafa notendur einnig keppst við að lýsa áfallinu sem fylgdi fregnunum, en fyrrverandi parið á marga dygga aðdáendur sem eiga erfitt með að trúa því að sambandið sé búið.

Í einni færslu er sambandsslitum Hague og Fury líkt við hin eftirminnilegu sambandsslit Karls konungs og Díönu prinsessu árið 1992. Í annarri færslu er sambandsslitunum líkt við það þegar knattspyrnuþjálfarinn Jürgen Klopp hætti hjá Liverpool fyrr á árinu. 

Hér fyrir neðan má sjá nokkrar færslur sem hafa vakið sérstaka athygli.

• Blogga um frétt