Garner og Lopez heimsóttu Affleck á afmælisdaginn
Setja bókamerki
Leikkonan Jennifer Garner kíkti í heimsókn til fyrrverandi eiginmanns síns, leikarans og leikstjórans Ben Affleck, í tilefni af 52 ára afmæli hans á fimmtudag. Fyrrverandi leikarahjónin, sem eiga þrjú börn á táningsaldri, skildu árið 2018 eftir 13 ára hjónaband en hafa haldið góðum vinskap síðan sambandinu lauk.
Garner var mynduð, án barnanna, fyrir utan húsnæði sem leikarinn hefur á leigu í Brentwood í Kaliforníu.
Affleck, sem er sagður hafa sótt um leyfi til skilnaðar frá leik- og söngkonunni Jennifer Lopez, festi á dögunum kaup á nýrri glæsivillu í Pacific Palisades-hverfinu og er á fullu að undirbúa flutninginn á nýja heimilið.
Garner var þó ekki sú eina sem heimsótti Affleck í tilefni af afmælisdeginum en seinna um daginn sást Lopez yfirgefa heimili leikarans. Heimsókn hennar kom mörgum að óvörum enda hafa hjónin ekki sést saman síðan í útskriftarveislu elstu dóttur Affleck í maílok.
Lopez tjáði sig ekkert um leikarann í tilefni af afmæli hans á samfélagsmiðlasíðum sínum en birti þess í stað myndaseríu af sjálfri sér í glæsilegum Dior-kjól sem hún klæddist í afmæli sínu fyrir örfáum vikum.
Leik- og söngkonan fagnaði 55 ára afmæli sínu með glæsilegri þriggja daga veislu sem endaði á dansiballi í anda Bridgerton-þáttaseríunnar. Affleck var ekki meðal boðsgesta.
/frimg/1/41/46/1414655.jpg)
„Síðasta orðið hefur ekki verið sagt“
Útilokað annað en að Seðlabankinn lækki stýrivexti
Auki líkurnar á vaxtalækkun
Grunur um mansal og smygl á fólki: Tveimur sleppt
Skiljanlegt að finna til vanmáttar
Tæpir 40 milljarðar króna í bætur
„Mig langar að vara ykkur við“