Franski leikarinn Alain Delon er látinn, 88 ára að aldri.
Delon var meðal annars þekktur fyrir hlutverk sín í kvikmyndunum Purple Noon, Women Are Weak, Le Samurai og La Piscine.
Í yfirlýsingu frá börnum Delon segir að hann hafi látist á heimili sínu í Douchy í Frakklandi umkringdur fjölskyldu sinni.
Delon kom síðast opinberlega fram á kvikmyndahátíðinni í Cannes árið 2019. Þar var hann heiðraður fyrir ævistarf sitt. Sú ákvörðun, að heiðra hann, var harðlega gagnrýnd en Delon hefur verið sakaður um ofbeldi gagnvart konum.