Kesha þreytt á því að ganga í fötum

Bandaríska tónlistarkonan Kesha, best þekkt fyrir lögin Tik Tok og Timber, segist vera búin að fá sig fullsadda af fötum. Hún greindi frá þessu í færslu á Instagram-síðu sinni á laugardag og birti mynd af sér kviknakinni á eldhússtól að borða salat. 

Færsla Keshu vakti mikla athygli og fögnuðu fylgjendur hennar, sem telja ríflega þrjár milljónir, þessari yfirlýsingu.

„En...Ég er þreytt á því að vera í fötum,“ skrifaði tónlistarkonan við myndina sem tæplega 114.000 manns hafa líkað við. Margir vöktu athygli á unglegu útliti Keshu, en hún varð 37 ára gömul fyrr á árinu.

Kesha er vel þekkt fyrir að birta djarfar færslur á samfélagsmiðlasíðum sínum. Hún fagnaði meðal annars 15 ára útgáfuafmæli lagsins Tik Tok með því að bursta tennurnar með Jack Daniels's-viskíi fyrr á árinu. 

Kesha greindi einnig frá því að lagið minni hana óstjórnlega mikið á ungu fjörugu stúlkuna sem hún var á þeim tíma. 

People

Frétt af mbl.is

Föst milli steins og sleggju

Frétt af mbl.is

Óþekkjanleg án farða

• Blogga um frétt