Sprautaði Perry með banvænum skammti
Setja bókamerki
/frimg/1/53/6/1530653.jpg)
Kenneth Iwasama, fyrrverandi aðstoðarmaður leikarans Matthew Perry, viðurkenndi nýverið að hafa komið að leikaranum meðvitundarlausum, þó nokkrum sinnum, dagana áður en hann lést.
Iwasama er á meðal þeirra fimm sem voru handteknir og ákærðir í tengslum við andlát leikarans á dögunum.
Iwasama, 59 ára, hafði starfað sem aðstoðarmaður leikarans í hartnær 25 ár og haft yfirumsjón með vistarverum hans og daglegum störfum.
Við yfirheyrslu viðurkenndi hann að hafa sprautað leikarann með banvænum skammti af ketamíni daginn sem hann dó, að beiðni Perry. Iwasama sprautaði leikarann þrisvar sinnum yfir daginn og eftir hafa gefið honum síðasta skammtinn þá yfirgaf hann heimili leikarans til að sinna nokkrum erindum. Hann kom að Perry látnum örfáum klukkustundum síðar.
Iwasama játaði sig sekan um dreifingu eiturlyfja.
Perry, sem hafði um árabil glímt við fíknisjúkdóma, fannst látinn í heitum potti á heimili sínu í október, 54 ára að aldri.
Dánarorsökin var ketamínneysla, drukknun og kransæðastífla, en ketamínmagnið í blóði Perrys var álíka og notað er við svæfingar.
Ný ríkisstjórn kynnt á morgun
Funda með þingflokkum
Bjarni: „Útilokað að þetta geti gengið upp“
Forstjóri bendir á ábyrgð birgja vegna verðhækkana
Barn lést í árásinni
„Börn heima sem maður myndi vilja hafa í skjóli“
Alvarleg netárás á Wise
Ók á hóp fólks á jólamarkaði: Einn látinn
