Trump birti falsaðar stuðningsyfirlýsingar frá Swift
Setja bókamerki
Donald Trump, forsetaframbjóðandi Repúblikanaflokksins, birti fjöldann allan af fölsuðum stuðningsyfirlýsingum frá poppstjörnunni Taylor Swift og fjölmennum aðdáendahóp hennar sem kallaður er „Swifties“.
Stuðningsyfirlýsingarnar birtust á samfélagsmiðlasíðunni Truth Social sem er í eigu Trump Media & Technology Group.
Gervigreind, eða Artificial Intelligence, var notuð til að útbúa auglýsingar sem meðal annars sýna aðdáendur bandarísku tónlistarkonunnar klædda bolum með áletruninni „Swifties for Trump” og einnig mynd af Swift í líki Sáms frænda, eða Uncle Sam, sem hefur lengi verið einhvers konar táknmynd Bandaríkjanna.
Óljóst er hvort Trump hafi vitað að auglýsingamyndirnar væru falsaðar, en upphaflega birtist færslan á samfélagsmiðlasíðunni X, sett fram í háði og spotti af notanda með netnafnið Amuse, sem merkti færsluna sem „satire“ eða satíru.
Swift, sem er á tónleikaferðalagi um Evrópu þessa dagana, hefur ekki tjáð sig um stuðningsyfirlýsingarnar á samfélagsmiðlum né í fjölmiðlum en hún hefur í gegnum árin mótmælt stefnum Trumps og Repúblikanaflokksins.
Ekki allir sem fá uppsafnað orlof
Lést af völdum voðaskots á gæsaveiðum
„Hún getur ekki svipt mig starfinu“
Sex lekar á sex tímum
„Smotterí“ eftir af fjármögnun framboðs Baldurs
Breyttar útfærslur í uppfærðum samgöngusáttmála