Kaleo sló í gegn hjá Jimmy Kimmel
Setja bókamerki
Tengdar fréttir
Poppkúltúr
Íslenska hljómsveitin Kaleo kom fram í spjallþætti Jimmy Kimmel Live í gærkvöldi. Þar fluttu þeir lagið Rock N Roller af plötunni Kaleo sem kom út árið 2013 við frábærar undirtektir.
Gestastjórnandi þáttarins, dragdrottningin RuPaul Andre Charles, kynnti hljómsveitina á svið, en í þættinum komu einnig fram leikarinn Colman Domingo og leikkonan Sanaa Lathan.
Kaleo hefur slegið í gegn um allan heim, en hljómsveitin hefur meðal annars hitað upp fyrir goðsagnirnar í hljómsveitinni Rolling Stones nokkrum sinnum, verið tilnefnd til Grammy-verðlauna fyrir besta rokkflutning ársins, átt tónlist í heimsfrægum þáttum á borð við Suits, Orange is the New Black og Grey's Anatomy og komið fram á stórum tónlistarhátíðum á borð við Coachella, Lollapalooza og Bonnaroo.
Hljómsveitin hefur verið mikið á ferðalagi undanfarin ár og haldið eftirsótta tónleika um allan heim, en um þessar mundir er sveitin að hefja tónleikaferðalag um Norður-Ameríku og Evrópu sem mun standa út árið.
Tengdar fréttir
Poppkúltúr
Hluti bílastæðis undir hraun: Ómögulegt að meta tjón
„Má segja að þetta gos hafi þjófstartað“
Gosið gæti varað lengur: Meiri fyrirstaða í gosrásinni
Ástæða til að ætla að eldgosahrinu fari að ljúka
Litlar líkur á að hraunið nái til mannvirkja
Mæðgur dæmdar til að greiða 64 milljónir
Spara stórfé með olíukaupum ytra