Oasis staðfestir endurkomu sína

Breska rokksveitin Oasis hefur tilkynnt að hún ætli að koma saman á nýjan leik og fara í tónleikaferð á næsta ári.

Bræðurnir Liam og Noel Gallagher virðast því hafa grafið stríðsöxina eftir 15 ára deilur.

Hljómsveitin tilkynnti á samfélagsmiðlinum X að hún ætlaði að spila á tónleikum í Cardiff, Manchester, London, Edinborg og Dublin. Lengri tónleikaferð um heiminn er einnig fyrirhuguð. 

Oasis naut mikilla vinsælda á sínum tíma og sendi frá sér lög á borð við Wonderwall, Don´t Look Back In Anger og Champagne Supernova.

• Blogga um frétt