Bandaríski leikarinn Justin Theroux er trúlofaður kærustu sinni, leikkonunni Nicole Brydon Bloom.

Theroux bað sinnar heittelskuðu á Ítalíu á dögunum. Parið er statt í Feneyjum vegna kvikmyndahátíðarinnar sem nú stendur yfir.

Bloom skartaði stærðarinnar demantshring á baugfingri á rauða dreglinum á miðvikudagskvöldið þegar kvikmyndin Beetlejuice Beetlejuice var heimsfrumsýnd. Theroux fer með hlutverk í kvikmyndinni.

Parið hefur verið saman í tæp tvö ár, það sást fyrst saman í febrúar á síðasta ári. Töluverður aldursmunur er á parinu en Theroux varð 53 ára gamall þann 10. ágúst síðastliðinn og Bloom fagnaði þrítugsafmæli sínu í mars.

Theroux var áður kvæntur leikkonunni Jennifer Aniston frá 2015 til 2017.

Tengdar fréttir

Ást í Hollywood

Nældi sér í yngri mann

• Sjö ára samband breyttist á einni nóttu
• Yfirgaf eiginmanninn fyrir Hugh Jackman
• 19 ára og nældi sér í eldri konu
• Cher fékk koss frá kærastanum

» Fleiri tengdar fréttir

• Blogga um frétt