Skilja eftir 21 árs hjónaband
Setja bókamerki
Bandaríska leikkonan Leah Remini og eiginmaður hennar, leikarinn Angelo Pagán, hafa ákveðið að fara hvort í sína áttina eftir 21 árs hjónaband.
Leikaraparið greindi frá þessu í sameiginlegri færslu á samfélagsmiðlum í gærdag.
„Jæja, hér erum við. Eftir 28 ára samband og 21 ár sem hjón, höfum við ákveðið að skilja,” skrifuðu Remini, 54 ára, og Pagán, 56 ára, í upphafi færslunnar.
Remini, best þekkt fyrir leik sinn í bandarísku gamanþáttaröðinni The King of Queens, kynntist Pagán á næturklúbbi í Los Angeles árið 1996. Parið gekk í hjónaband árið 2003 og eignaðist dóttur, Sofiu Bellu, einu ári síðar.
Rúm vika er nú liðin frá því að besta vinkona Remini, leik- og söngkonan Jennifer Lopez, sótti um skilnað frá eiginmanni sínum, leikaranum og leikstjóranum Ben Affleck. Stöllurnar eru því lausar og liðugar.
Börn hafi engan rétt á leikskólakennslu
Yfir 300 stæði fóru undir hraun
„Má segja að þetta gos hafi þjófstartað“
Hluti bílastæðis undir hraun: Ómögulegt að meta tjón
Ástæða til að ætla að eldgosahrinu fari að ljúka
Fullvissa ferðamenn um að hér sé öruggt
Litlar líkur á að hraunið nái til mannvirkja