Ljósbrot valin besta norræna kvikmyndin

Íslenska kvikmyndin Ljósbrot hlaut aðalverðlaun kvikmyndahátíðarinnar í Osló og var valin besta norræna kvikmyndin.

Þetta kemur fram í fréttatilkynningu.

Þar segir að þetta séu fimmtu alþjóðlegu kvikmyndaverðlaun Ljósbrots. Kvikmyndin hlaut standandi lófaklapp sem opnunarmynd á kvikmyndahátíðinni í Cannes.

Frétt af mbl.is

Ljósbrot fékk áhorfendur til að rísa úr sætum

Velgengnin lyginni líkust

Jafnframt hafi Ljósbrot einnig verið valin í forval til Evrópsku kvikmyndaverðlaunanna og framundan eru fjölda kvikmyndahátíða.

„Þessi velgengni Ljósbrots er búin að vera lyginni líkust. En svona kraftaverk gerast ekki af sjálfum sér. Við erum svo heppin að hafa ótrúlega hæfileikaríkan hóp leikara, frábæra listamenn og fagfólk. Og jarðveg sem einkaaðilar og stjórnvöld hafa verið að rækta undan farin ár. Við megum öll vera stolt,“ er haft eftir Rúnari Rúnarssyni leikstjóra myndarinnar í tilkynningunni.

Með aðalhlutverk fara Elín Hall, Katla Njálsdóttir, Mikael Kaaber, Baldur Einarsson, Gunnar Kristjánsson og Ágúst Wigum.

Frétt af mbl.is

„Maður er eiginlega hálf orðlaus“

• Blogga um frétt