Camilla Rut Rúnarsdóttir, áhrifavaldur og athafnakona, fagnar þrítugsafmæli sínu í dag, mánudag. Hún birti skemmtilega færslu á Instagram-síðu sinni í morgunsárið í tilefni af stórafmælinu og gaf innsýn í afmælishöld helgarinnar.
Unnusti Camillu Rutar, Valgeir Gunnlaugsson, jafnan kallaður Valli flatbaka, kom sinni heittelskuðu heldur betur á óvart með ferð norður í land.
„Þrítug!
Mér var rænt í óvissuferð um helgina í boði ástmannsins sem plottaði og planaði með landsliðinu af vinum okkar og fjölskyldu.
Akureyri og hundarnir sem endaði svo í sörpræs veislu í forstofunni heima. Takk fyrir mig elsku besta fólkið mitt.
Næsti tugur tekur því vel á móti mér, megi hamingjan, heilsan & gleðin lifa endalaust áfram,“ skrifaði Camilla Rut meðal annars við myndaseríuna.