Hvaða bresku Love is Blind-pör eru enn saman?
Setja bókamerki
/frimg/1/48/24/1482460.jpg)
Á dögunum var lokaþáttur fyrstu bresku Love is Blind raunveruleikaseríunnar sýndur á Netflix. Þættirnir eru upphaflega bandarískir og hafa notið gríðarlegra vinsælda, en sex seríur hafa þegar komið út í Bandaríkjunum og hafa þættirnir einnig komið út í öðrum löndum, þar á meðal í Svíþjóð, Brasilíu, Japan, Þýskalandi og nú Bretlandi.
Markmið þáttanna er að hjálpa fólki að finna hina einu sönnu ást út frá persónuleika en ekki útliti. Í bresku seríunni voru sex pör sem trúlofuðu sig og þrjú pör sem sögðu „já“ við altarið, en nú er ár liðið frá brúðkaupsdeginum og því margir spenntir að komast að því hvort einhver hjónanna séu enn saman.
Bobby og Jasmine
Jasmine og Bobby sögðu bæði „já“ við altarið og eru enn hamingjuamlega gift í dag. Hjónin hafa í dag keypt íbúð saman og komið sér vel fyrir þar, en þau vonast til að taka næsta skref fljótlega og stofna fjölskyldu saman.
Freddie og Catherine
Eftir tilfinningaþrungið „nei“ frá Freddie við altarið voru margir spenntir að sjá hvort Freddie og Catherine hefðu haldið ástarsambandi sínu áfram. Þau höfðu gengið í gegnum ýmsa erfiðleika í þáttunum, en þau eru ekki í ástarsambandi í dag heldur aðeins vinir.
Sam
Sam hefur verið á milli tannanna á fólki frá fyrsta þætti enda bentu nokkrir þátttakendur á hin ýmsu rauðu flögg í fari hans. Þrátt fyrir það fór hann á skeljarnar og bað Nicole, en trúlofunin entist þó ekki lengi og var slitið stuttu síðar. Í dag er hann einhleypur og segist hafa verið að vinna í sjálfum sér frá því tökum lauk, en hann hefur hlotið harða gagnrýni á samfélagsmiðlum.
Benaiah og Nicole
Benaiah og Nicole fengu annað tækifæri í þáttunum eftir að Nicole sleit trúlofun sinni við Sam. Þessu fylgdi mikil dramatík og Sam olli heilmiklum vandræðum í þáttunum. Þrátt fyrir það sögðu Benaiha og Nicole bæði „já“ við altarið og eru enn hamingjusamlega gift í dag.
Ollie og Demi
Ollie og Demi höfðu komist í gegnum ýmsa erfiðleika og ástin virtist blómstra þegar þau gengu að altarinu. Það kom því sumum á óvart að Demi skyldi segja „nei“, en þau segjast vera betri sem vinir en elskhugar og eru því ekki saman í dag.
Steven og Sabrina
Það kom fáum á óvart þegar Steven og Sabrina sögðu bæði „já“ við altarið, enda virtust þau loksins hafa fundið sálufélaga sinn. Hamingjan entist hins vegar ekki lengi hjá hjónunum, en þau eru búin að skilja í dag og voru allt annað en sátt við hvort annað í lokaþættinum.
Tom og Maria
Tom og Maria féllu fyrir hvort öðru og trúlofuðu sig í þáttunum. Við altarið sagði Tom hins vegar „nei“ þar sem gildi þeirra virtust ekki nægilega samræmd. Þau eru ekki saman í dag.
Natasha
Þrátt fyrir að hafa ekki fengið bónorð í þáttunum myndaði Natasha sterk tengsl við Tom. Hún var í mikilli ástarsorg þegar Tom tjáði henni að hann hefði valið Mariu. Þrátt fyrir að Tom og Maria hafi ekki gengið í hjónaband og séu ekki saman í dag, þá virðast Natasha og Tom ekki hafa kannað tengslin sem þau fundu í þáttunum frekar og er Natasha því einhleyp í dag.
Ísland stendur sig verst
Segja vafasamt að fullyrða um samræmt námsmat
Sjö drepnir í loftárás Rússa á Lvív
Enginn ráðherra útilokar formannsframboð
Stórfellt laxeldi áformað
Með hótanir til rannsóknar
Björguðu lífi rétt fyrir eigið andlát