Dæmdur glæpamaður meðal þátttakenda í hæfileikakeppni
Setja bókamerki
Tengdar fréttir
Poppkúltúr
/frimg/1/51/36/1513619.jpg)
Svindlarinn Anna „Delvey“ Sorokin er meðal keppenda í nýjustu þáttaröð Dancing with the Stars.
Sorokin skaust fram á sjónarsviðið fyrir alvöru þegar þættir byggðir á lífi hennar og lygum, Inventing Anna, voru frumsýndir á Netflix í ársbyrjun 2022.
Hin 33 ára gamla Sorokin er rússnesk en flutti sem barn til Þýskalands með fjölskyldu sinni og breytti eftirnafni sínu í Delvey.
Í Bandaríkjunum þóttist hún vera ríkur erfingi og heillaði elítuna í New York á árunum 2016 og 2017. Sannleikurinn er hins vegar sá að hún er dóttir bílstjóra frá Moskvu. Hún hlaut dóm árið 2019 fyrir að hafa fé af hótelum, bönkum og vinum.
Sorokin, sem situr nú í stofufangelsi í New York, þurfti sérstakt leyfi til þess að taka þátt í hæfileikakeppninni þar sem þættirnir eru teknir upp í Los Angeles. ICE, eða U.S. Immigration and Customs Enforcement, samþykkti beiðni hennar og fékkst hún afgreidd með hraði. Sorokin verður áfram undir rafrænu eftirliti og mun dansa með ökklaband.
Aðdáendur þáttanna eru margir hverjir hissa á þátttöku Sorokin enda er Dancing with the Stars vinsæll fjölskylduþáttur í Bandaríkjunum.
Tengdar fréttir
Poppkúltúr
„Gríðarlega hættulegt fordæmi“
Snúa líklega aftur á jökulinn þar sem einn lést
Vísbendingar um að landris sé hafið á ný
Tugir kennara hröktust úr starfi vegna myglu
„Vita ekkert hvað þeir eru að fara að borga“
Pútín segist styðja Harris í kosningunum
Yfirheyrðu drenginn fyrir ári vegna hótana