Hefja rannsókn á miðasölu á tónleika Oasis

Breska samkeppniseftirlitið, Competition & Markets Authority (CMA), hefur hafið rannsókn á miðasölu fyrir tónleika bresku rokkhljómsveitarinnar Oasis sem fara fram á næsta ári.

Frétt af mbl.is

Oasis-aðdáendur í klandri

Fram kemur í frétt á vef breska ríkisútvarpsins (BBC) að eftirlitið muni m.a. skoða svokallað breytilegt miðaverð (e. dynamic pricing), og hvernig því hafi verið háttað við miðasöluna. 

Frétt af mbl.is

Oasis varar við endursölu á miðum

Eftirlitið mun rannsaka hvort miðasölufyrirtækið Ticketmaster hafi brotið gegn bresku neytendalöggjöfinni. 

Fram kemur í umfjöllun BBC, að með því að nota breytilegt verð þá hafi miðar, sem voru keyptir á vef Ticketmaster, hækkað í takti við eftirspurn sem var mjög mikil. 

Frétt af mbl.is

„Engin ástríða eða hugsjónir þarna á bak við“

Rannsóknin á að leiða í ljós hvort Ticketmaster hafi selt miða með sanngjörnum og viðunandi hætti. Hvort miðakaupendur hafi verið upplýstir um það fyrirfram að miðaverð hæti hækkað. Einnig hvort þrýst hafi verið á fólk að kaupa miða þar sem tímaramminn var mjög þröngur. 

Frétt af mbl.is

Oasis staðfestir endurkomu sína

• Blogga um frétt