Patti Scialfa, liðsmaður hljómsveitarinnar E Street Band og eiginkona bandaríska tónlistarmannsins Bruce Springsteen, hefur glímt við krabbamein síðustu sex árin. Scialfa var greind með mergæxli (e. multiple myeloma) árið 2018.

Scialfa ræðir um krabbameinsgreininguna og veikindi sín í nýrri heimildamynd um hljómsveitina, Road Diary: Bruce Springsteen and the E Street Band, sem var heimsfrumsýnd á alþjóðlegu kvikmyndahátíðinni í Toronto á sunnudag.

Scialfa, sem hefur spilað og sungið við hlið eiginmanns síns í hartnær 40 ár, hefur lítið sem ekkert tekið þátt í tónleikahaldi sveitarinnar síðustu ár vegna veikindanna.

„Tónleikaferðalögin hafa reynst mér erfið síðustu misseri. Veikindin hafa mikil áhrif á ónæmiskerfið mitt og ég verð því að fara varlega. Ég stíg einstaka sinnum á svið og tek eitt eða tvö lög með sveitinni, það heldur mér gangandi.”

Scialfa gekk til liðs við E Street Band árið 1984 og giftist Springsteen árið 1991. Hjónin eiga þrjú uppkomin börn.

Tengdar fréttir

Poppkúltúr

Laufey stórglæsileg á forsíðu Vogue

• Nær óþekkjanlegur á rauða dreglinum eftir þyngdartap
• Nýja kærastan sögð yngri en börnin
• Mætti í hinum fullkomna hefndarkjól
• Kona nýr forsprakki Linkin Park

» Fleiri tengdar fréttir

Ást í Hollywood

Nýja kærastan sögð yngri en börnin

• Eins og ástfangnir unglingar eftir 36 ára hjónaband
• Pitch Perfect-stjarna játaðist sínum heittelskaða
• Reese Witherspoon komin með nýjan kærasta
• Íslandsvinur frumsýndi kærustuna á rauða dregilinum

» Fleiri tengdar fréttir

• Blogga um frétt