Þrír liðsmenn hafa bæst við leikarahóp SNL
Setja bókamerki
Tengdar fréttir
Poppkúltúr
/frimg/1/53/6/1530653.jpg)
/frimg/1/53/42/1534259.jpg)
Þrír liðsmenn hafa bæst við leikarahóp bandaríska grínþáttarins Saturday Night Live. Þeir voru kynntir til leiks á samfélagsmiðlasíðu þáttarins í gærdag.
Ashley Padilla, Emil Wakim og Jane Wickline, sem öll eiga bakgrunn í spunaleik, munu stíga á svið þann 28. september næstkomandi þegar 50. þáttaröð af Saturday Night Live fer í loftið.
Leikararnir Chloe Troast, Molly Kearney og Punkie Johnson munu ekki snúa aftur.
Grínþátturinn fagnar 50 ára afmæli sínu í október á næsta ári, en fyrsti þátturinn fór í loftið þann 11. október 1975 og var það George Carlin heitinn sem fór á kostum sem gestastjórnandi.
Lorne Michaels, maðurinn á bak við langlífasta gamanþátt í bandarískri sjónvarpssögu, hefur látið hafa það eftir sér að hann vilji fylgja Saturday Night Live í gegnum 50. þáttaröðina, en margir telja líklegt að serían muni ljúka göngu sinni eftir 50 ár á skjánum.
Tengdar fréttir
Poppkúltúr
Fundur fljótlega: „Það er að fæðast fallegt barn“
Evrópumál voru ekki til umræðu
Gerir aðeins kröfu um ráðuneyti ef hún er hæfust
Margar spurningar og óöryggi í hópnum
Skæð fuglaflensa staðfest í Ölfusi
Börn bundin í stóla og borða ekki sjálf