Rokkarar tókust á í miðju lagi

Furðuleg uppákoma átti sér stað á tónleikum rokksveitarinnar Jane´s Addiction í bandarísku borginni Boston í gærkvöldi þegar söngvarinn Perry Farrell veittist að gítarleikaranum Dave Navarro í miðju lagi.

Farrell virtist bálreiður á meðan Navarro undraðist tilburði félaga síns. Til að koma í veg fyrir að það hitnaði enn frekar í kolunum gripu starfsmenn hljómsveitarinnar inn í og fluttu Farrell í burtu með valdi, að því er The Guardian greindi frá. 

Nokkrum mínútum síðar kviknuðu ljósin á tónleikastaðnum og tónleikunum var aflýst.

• Blogga um frétt