Gaman að kynnast þér

Nordic Affect er að hefja vetrartónleikaröð sína í Mengi þann 17. ­september. „Gaman að kynnast þér“ er yfirskrift fyrstu tónleikanna og á þeim er ætlunin að athuga hvað gerist þegar tónlistarmenn sem leika á barokkhljóðfæri, víetnömsk hljóðfæri og gervigreindarhljóðfæri mætast. 

„Yfirleitt erum við fjórar í Nordic Affect en í þessari tónleikaröð erum við tvær úr hópnum, ég á barokkfiðlu og Guðrún Óskarsdóttir á sembal,“ segir Halla.

Nordic Affect hefur komið sér á kortið sem framsækinn tónlistarhópur. Gagnrýnendur innanlands og utan hafa hælt hópnum í hástert, m.a. fyrir „samlegðaráhrif flytjenda“, lýst honum sem „þverfaglegu náttúruafli“ og sem „gersemi í íslensku tónlistarlífi“.

Halla Steinunn Stefánsdóttir listrænn stjórnandi Nordic Affect. mbl.is/Eggert Jóhannesson

Af hverju „Gaman að kynnast þér“?

„Við erum akkúrat núna að renna inn í æfingaferlið, sem er í raun tilraunamennskan í þessu. Við erum að fara að kynnast hvert öðru í gegnum hljóðfærin okkar og sköpunina og þess vegna er yfirskriftin gaman að kynnast þér.“

Húsið í Mengi opnar klukkan 19:30 og tónleikarnir hefjast 20:00. Miðasala fer fram við hurð.

Lesa má ítarlegra viðtal við Höllu í Sunnudagsblaði Morgunblaðsins.

• Blogga um frétt