Meghan Markle var klippt út af afmælismynd
Setja bókamerki
Meghan Markle var klippt út af mynd sem birtist á samfélagsmiðlasíðu bresku konungsfjölskyldunnar í tilefni af fertugsafmæli Harry prins í gærdag.
Myndin sem fylgdi afmæliskveðjunni var tekin þegar hann og Markle heimsóttu nýsköpunarfyrirtækið Dogpatch Labs í Dyflinn á Írlandi árið 2018. Upprunalega myndin sýnir Markle skælbrosandi við hlið eiginmanns síns.
Þetta er í fyrsta sinn í þrjú ár sem konungsfjölskyldan birtir mynd í tilefni af afmælisdegi Harry prins.
„Við óskum hertoganum af Sussex hjartanlega til hamingju með 40 ára afmælið í dag,” skrifaði fulltrúi konungsfjölskyldunnar á Instagram á sunnudag.
Talsvert ósætti hefur ríkt innan konungsfjölskyldunnar allt frá því að Harry prins byrjaði með bandarísku leikkonunni Meghan Markle árið 2016.
Parið gekk í hjónaband þann 19. maí 2018 eftir rúmlega eins árs samband og stuttu síðar sagði hertoginn sig frá konunglegum störfum og hefur lítið sést með fjölskyldu sinni síðan.
Segir hið ómögulega hafa gerst
Myndskeið: Hávær mótmæli óma um Leifsstöð
Feðginin áttu í eðlilegum samskiptum
Yazan vakinn á spítala og á leið úr landi
Íslendingur í Vín: „Aldrei upplifað annað eins“
Yazan á leið upp á spítala aftur
Í ákveðinni kúlu sem útlendingur