Sigga Ózk og Elísabet hrepptu draumahlutverkin
Setja bókamerki
Tengdar fréttir
Poppkúltúr
/frimg/1/53/24/1532482.jpg)
Íslensku söngkonurnar Sigríður Ósk Hrafnkelsdóttir, jafnan kölluð Sigga Ózk, og Elísabet Ormslev munu talsetja hlutverk nornanna Glindu og Elphöbu í kvikmyndaútgáfu söngleiksins sívinsæla Wicked.
Báðar greindu þær frá gleðitíðindunum á Instagram.
„AAH! Tilkynning: ég mun tala og syngja fyrir Glindu (aka Miss Grande) í íslensku talsetningunni á Wicked,“ skrifaði Sigga Ózk við skemmtilega myndaseríu af sér íklædd ljósbleikum kjól í anda Glindu.
Elísabet birti einnig sólríka sjálfu er hún tilkynnti tíðindin og heiðraði karakter Elphöbu með því að mála neglurnar grænar.
„Svo spennt að tilkynna að ég mun tala og syngja fyrir Elphöbu í íslensku talsetningunni af Wicked. Fékk mér neglur í stíl og allt,“ skrifaði Elísabet.
Margir bíða spenntir eftir kvikmyndinni sem er væntanleg í kvikmyndahús hérlendis þann 22. nóvember næstkomandi. Með aðalhlutverkin fara þær Ariana Grande og Cynthia Erivo.
Söngleikurinn Wicked er einn langlífasti söngleikur allra tíma á Broadway en hann var frumsýndur þann 8. október 2003 og fagnar því 21 árs sýningarafmæli á komandi vikum.
Leikkonurnar Idina Menzel og Kristin Chenoweth léku hlutverkin upprunalega en fjölmargar afburða leikkonur hafa farið með hlutverkin í gegnum þetta áralanga sýningartímabil.
Tengdar fréttir
Poppkúltúr
„Nú er nóg komið“
„Það er mjög langt á milli manna“
Fjögur andlát til skoðunar
/frimg/1/53/25/1532548.jpg)
Lokað þinghald í menningarnæturmáli
„Ég held að þetta sé allt saman á góðri leið“
Leggja nýjan veg í gegnum glóandi hraunið
„Eins og við séum að leggja börn á hlaðborð“
