Íslendingar gera það gott í Grænlandi
Setja bókamerki
Kvikmyndin Ljósbrot eftir Rúnar Rúnarsson hefur nú unnið til sinna sjöttu alþjóðlegu verðlauna.
Á lokaathöfn alþjóðlegu kvikmyndahátíðarinnar í Nuuk í gærkvöldi tilkynnti Berda Larsen, formaður dómnefndar hátíðarinnar, að íslenska kvikmyndin Ljósbrot eftir Rúnar Rúnarsson hefði verið valin besta kvikmyndin.
„Með kraftmikilli miðlun tilfinninga leiddi myndin okkur áfram og gerði okkur berskjölduð. Það er einróma ákvörðun dómnefndarinnar að Ljósbrot sé besta leikna kvikmyndin á hátíðinni,“ sagði Larsen í tölu sinni um Ljósbrot.
Hefur farið sigurför um heiminn
Í tilkynningu frá aðstandendum myndarinnar kemur fram að um sé að ræða sjöttu alþjóðlegu kvikmyndaverðlaun Ljósbrots en myndin var frumsýnd á Cannes-hátíðinni í vor þar sem hún var opnunarmyndin og hlaut standandi lófaklapp.
Ljósbrot hefur einnig verið valin í forval til Evrópsku kvikmyndaverðlaunanna og fram undan eru fjöldi annarra kvikmyndahátíða. Þá mun myndin fara í almennar sýningar um allan heim á næstunni en hún er þegar í sýningu hér á landi.
„Myndin gerist á fallegum vordegi þegar líf Unu snýst á hliðina á svipstundu og upphefst rússibanaferð tilfinninga. Þar sem mörkin milli hláturs og gráturs, fegurðar og sorgar, verða stundum óskýr,“ segir um myndina í tilkynningunni en með aðalhlutverk fara, Elín Hall, Katla Njálsdóttir, Mikael Kaaber, Baldur Einarsson, Gunnar Kristjánsson og Ágúst Wigum.
Íþróttafélög fara á hausinn
Ráðherra ekki á fundi varnarmálaráðherra
/frimg/1/54/55/1545502.jpg)
Óttaðist að deyja frá strákunum sínum
Veðrið truflar áætlun Icelandair: Ferðum aflýst
Lögreglan treystir á rafmagnið
Pelicot yfirheyrður vegna óupplýstra mála
/frimg/1/54/53/1545350.jpg)
Hundurinn verður aflífaður eftir helgi
Engin fjárheimild fyrir Fossvogsbrú