Abba-stjarna í hnapphelduna í þriðja sinn
Setja bókamerki
Sænski tónlistarmaðurinn Björn Ulvaeus gekk í hnapphelduna í þriðja sinn um helgina. Ulvaeus, best þekktur fyrir að vera einn af liðsmönnum ABBA, giftist Christinu Sas í fallegri athöfn í Kaupmannahöfn á laugardag. Sænsk-breska sjónvarpsstjarnan Sandi Toksvig gaf hjónin saman.
Ulvaeus greindi frá gleðitíðindunum á Instagram-síðu sinni samdægurs.
„Í dag, þann 21. september 2024, giftist Björn Ulvaeus Christina Sas frá Herning í Danmörku. Þau kynntust í Nürnberg árið 2021 í tengslum við útgáfu síðustu plötu ABBA, Voyage, og hófu sambúð vorið 2022. Brúðkaupið fór fram í Kaupmannahöfn í viðurvist náinna vina og fjölskyldu,“ skrifaði Ulvaeus við fallega myndaseríu af hjónunum á brúðkaupsdaginn.
Ekki er vitað hvort liðsmenn ABBA hafi verið meðal brúðkaupsgesta en Ulvaeus var kvæntur söngkonunni Agnethu Fältskog á hápunkti frægðar sveitarinnar.
Verðum að vera viðbúin stærra eldgosi
Ekki öll fyrirtæki sek
Segir lögreglu sá efasemdum um heilindi
„Síðasta orðið hefur ekki verið sagt“
Kristín kjörin nýr umboðsmaður Alþingis
Ekkert bendir til þess að atburðarásinni sé lokið
Miður hve langan tíma rannsóknin tók
Landsréttur sýknar SKE af kröfu Samskipa