Eftirlíking af Friends-sófanum seldist á fjórar milljónir
Setja bókamerki
Tengdar fréttir
Poppkúltúr
Eftirlíking af appelsínugula Friends-sófanum var seld á uppboði hjá Julien's Auctions á dögunum. Sófinn seldist á heilar fjórar milljónir íslenskra króna, eða 29.250 bandaríkjadali, og langt umfram áætlað verð sem var á milli 350 - 400 þúsund krónur.
Uppboðið var haldið í tilefni af 30 ára frumsýningarafmæli Friends, en fyrsti þátturinn fór í loftið þann 22. september 1994. Friends, sem er einn farsælasti sjónvarpsþáttur allra tíma, lauk göngu sinni árið 2004 eftir tíu þáttaseríur.
Upprunalegi sófinn var staðsettur á Central Perk-kaffihúsinu þar sem vinahópurinn eyddi langmestum tíma sínum saman. Sófinn er í dag hluti af sögusafni Warner Bros. í Los Angeles.
Á uppboðinu, sem enn stendur yfir, er hægt að næla sér í árituð handrit og fleiri skemmtilega muni sem tengjast gamanþættinum.
Friends-stjörnurnar komu saman á ný í maí 2021 þegar sérstakur endurfundaþáttur var sýndur á HBO Max-streymisveitunni.
Ólíklegt þykir að leikarahópurinn muni koma saman opinberlega í tilefni af 30 ára afmælinu þar sem Matthew Perry, sem fór með hlutverk Chandler Bing, féll frá í október á síðasta ári.
Tengdar fréttir
Poppkúltúr
Geta gert samning um afnot af seldum húsum
Kosningaspá: Þrír flokkar skilja sig frá
Hefur numið staðar í fylgd danskra herskipa
Brunagaddur inn til landsins
Segja skemmdarverk unnin á sæstrengjum
Skortur á bílastæðum fælir frá
Erfitt að rifja atvikið upp
